Tuesday, 7 December 2010
នាវាចម្បាំងសហរដ្ឋអាមេរិកមកដល់កម្ពុជា
ដោយ មុំ សុផុន
2010-12-03
នាវាចម្បាំងរបស់សហរដ្ឋអាមេរិកឈ្មោះ USS Mustin បានចូលចតនៅក្រុងព្រះសីហនុ នៅព្រឹកថ្ងៃទី៣ ខែធ្នូ ហើយនឹងបន្តនៅដល់ថ្ងៃទី៧ ខែធ្នូ ឆ្នាំ២០១០ ក្នុងដំណើរជាលើកទី៨ របស់កងទ័ពជើងទឹកសហរដ្ឋអាមេរិកមកកម្ពុជា។
នាវាចម្បាំងរបស់សហរដ្ឋអាមេរិកឈ្មោះ USS Mustin ចូលចតនៅក្រុងព្រះសីហនុ កាលពីព្រឹកថ្ងៃទី៣ ខែធ្នូ ឆ្នាំ២០១០។
លោក Mechael Mannak Khem Misiewicz ឈ្មោះជាភាសាខ្មែរ ខែម វណ្ណៈ មានដើមកំណើតខ្មែរសញ្ជាតិអាមេរិក ជាមេបញ្ជាការរបស់នាវា USS Mustin បានថ្លែងប្រាប់អ្នកសារព័ត៌មានឲ្យដឹងនៅថ្ងៃទី៣ ខែធ្នូថា ក្នុងដំណើរបេសកកម្មមកកម្ពុជានេះ គឺក្រុមកងនាវិកនឹងទៅចែករំលែក និងដកស្រង់បទពិសោធន៍ជាមួយកងទាហានជើងទឹករបស់កម្ពុជា រួមជាមួយនឹងធ្វើការមនុស្សធម៌មួយចំនួនទៀត ជាមួយក្រុមកុមារកំព្រា ដូចជាការលេងកីឡា និងប្រគល់សម្ភារៈកីឡាផង។
លោក ខែម វណ្ណៈ បានថ្លែងតាមរយៈអ្នកបកប្រែដូច្នេះ ៖ “គាត់មានសេចក្ដីរំភើបរីករាយណាស់ដែលក្រុមបញ្ជាការហ្នឹងបានចូលចតនៅក្រុងព្រះសីហនុ ជាដំណើរចូលចតរបស់មេបញ្ជាការជាលើកទី១ ក្រោយពីបានចាកចេញពីប្រទេសកម្ពុជាអស់រយៈពេល ៣៧ឆ្នាំកន្លងមកហើយ។ គាត់មិននឹកស្មានថា គាត់មានឱកាសបានវិលត្រឡប់មកប្រទេសកម្ពុជាវិញ ក្នុងនាមជាមេបញ្ជាការនាវាពិឃាដរបស់សហរដ្ឋអាមេរិក USS Mustin ហើយគាត់ក៏មិននឹកស្មានថា ម្ដាយមីងគាត់បានមកទទួលគាត់នៅទីនេះ ហើយគាត់ក៏មិនអាចទប់ទឹកភ្នែកបាន ពេលដែលបានជួបគ្នា។ គាត់រីករាយណាស់"។
នាវា USS Mustin មានបុគ្គលិកទាហាន និងនាយទាហានចំនួន ២៧៦នាក់ ក្នុងនោះមាននាយទាហានដែលមានដើមកំណើតខ្មែរចំនួន ៤នាក់ រាប់ទាំងលោកមេបញ្ជាការ ខែម បណ្ណៈ។
ក្រុមគ្រួសារលោក ខែម វណ្ណៈ ដែលបានបែកគ្នាអស់រយៈពេលជិត ៤០ឆ្នាំហើយនោះ ត្រូវគេអនុញ្ញាតឲ្យចូលសួរសុខទុក្ខ។ ពួកគាត់រត់ឱបរឹតគ្នាដោយក្ដីនឹករឭកមិននឹកស្មានដល់។
លោក ឱក ប៉ែន ជាអ៊ំរបស់លោក ខែម វណ្ណៈ ហើយជាមនុស្សដែលបានថែរក្សា បានថ្លែងថា លោកមានមោទនភាពខ្លាំងណាស់ដែលក្មួយរបស់លោកបានក្លាយជាមេបញ្ជាការរបស់នាវាអាមេរិក USS Mustin នេះ។
នាវា USS Mustin ជានាវាពិឃាដប្រដាប់ដោយកាំជ្រួចតម្រង់គោលដៅ និងស្ថិតក្នុងចំណាត់ថ្នាក់ Arleight Burke។ នាវានេះមានប្រវែង ១៥៥ម៉ែត្រ ទម្ងន់ ៩.៣០០តោន។ អាវុធរបស់នាវារួមមានកាំជ្រួចស្តង់ដា SM-2MR កាំជ្រួចបាញ់បញ្ឈរ ASROC (VLA) កាំជ្រួចវាយប្រហារលើដីធុន Tomahawk គ្រាប់បែកបាញ់កម្ទេចនាវាមុជទឹកធុន MK-46។ មានប្រព័ន្ធកាំភ្លើងបាញ់ក្នុងចម្ងាយកៀក និងកាំភ្លើងធុន MK 45 ហើយនាវា USS Mustin នេះមានឧទ្ធម្ភាគចក្រប្រយុទ្ធធុន LAMPS MK III MHH-60 ចំនួនពីរគ្រឿង ដែលបំពាក់ដោយប្រព័ន្ធបាញ់កាំជ្រួច Penguin/Hellfre និងបំពាក់គ្រាប់បែកបាញ់កម្ទេចនាវាមុជទឹកធុន MK 46 ចំនួន ៥០គ្រាប់ដែរ៕
| RBHsgðarénRBHmhakSRtkm<úCaRtUveKykeFVICarUbsBaØaenAelIEs,keCIg | ||
167424832741202142. eRkABIkarykRBHsgðareFVICarUbsBaØaelIEs,keCIg k¾eKeXIjRBHsgðarRtUv)aneKykeTAe)aHBum<elIGavyWtpgEdr. B½t’manenHcat;TukCadMNwgmYysRmab;RksYgkarbreTsnigshRbtibtþikarGnþrCatieFVIkar®tYtBinitüRsavRCavnigeFVIkar tva:cMeBaHbBaðaenH eRBaHvaCakarRbmafemIlgayy:agF¶n;F¶rmkelIRBHmhakSRtkm<úCaEdltRmUv[Rkumh‘unEdlplit Es,keCIgenHRtUvdkRBHsgðarCabnÞan;ecjBIplitplEs,keCIgrbs;xøÜn. |
Below is a list of contributores and the amount they donated to this foundation
Ven. sanghapalo, Teavyuok Prum and her family and her friends give donations to the stampede in Koh Pich.
Dear contributors,The Khemara Student foundation is very grateful for all that you have given to help us with the situation that occurred in KohPich. We appreciate your donations to support all the hurt victims of the stampede. Every amount of money earned, makes a great difference to the wounded people in Cambodia. Below is a list of contributors and the amount they donated to this foundation.
Kim S. Heng, Ly Heng and family $50 Kim Ngin, Sonny, TeavyuokPrun and family $200
Rom Rorn and family $20 SareoumSar $100
Spuds and family $20 Savan v. Mam, SaremSar and family $50
Jean and family $10 SarimSar, Jean Lee and family $20
Steve Griffin and family $20 Him Cheay and seyla men $20
ChandrikaPatal and family $10 VuthyChereak and SinatChhim $10
Sharon Cup and family $10 SombathOuk and family $10
John Morriso and family $20 Sokhang Hong and family $10
Tony Patti and family $10 Sohkeang Hong and family $20
Chris Young and family $10 Choemron and family $10
Jim Urso and family $10 Lina (bong Leang) and family $10
Ken Cefalo and family $10 Malin and family $10
BorannSom and family $20 saiy $5
Steve Macomber and family $20 Khann Than, Connie Lim and family $50
Wade Barlett and family $20 Youkheng and family $20
Jack Carroll and family $20 LeangNeang and family $25
Em Pop and family $20 E Touch $60
nginmern, joselonsa $20 Huitien Ly and family $50
_______ Khon Soy and family $20
Total $320 HoutThung and family $20
KosalEm, VethHuorn, and family $50 Ricky Roum, LoeungPrum and RadeakaRoum $40
Sokhom Home and family $30 IthPrum,CchanMith and faily $20
ChandaEm and family $20 Kang Phark , NolNarin and family $20
Bong Rath $10 Keo s. Krang, Teylin to Krang and family $40
Total $110 Bunbophy and family $50
Soeu Lem Ning Huy Hib THB 3,000. Total $890
………………………………………………………………………………………………………………
Total add up $110 Khemara Student foundation
$890
$320
Grand Total $1,320.00 + 3,000. THB
Monday, 6 December 2010
ខ្មែរក្រោមសុំសេរីភាពពីវៀតណាម
ដោយ ទីន ហ្សាការីយ៉ា
2010-11-14
ខណៈដែលនាយករដ្ឋមន្ត្រីវៀតណាមគ្រោងនឹងមកចូលរួមក្នុងកិច្ចប្រជុំ មួយនៅថ្ងៃទី១៦-១៧ វិច្ឆិកា នៅរាជធានីភ្នំពេញ អង្គការសមាគមខ្មែរកម្ពុជាក្រោមមួយចំនួន គ្រោងស្នើឲ្យរដ្ឋាភិបាលវៀតណាមបើកសិទ្ធិសេរីភាពជួនពលរដ្ឋខ្មែរកម្ពុជាក្រោម។
ប៉ូលិសខ្មែរវាយព្រះសង្ឃខ្មែរកម្ពុជាក្រោមដែលចូលរួមធ្វើបាតុកម្មនៅខាងមុខស្ថានទូតវៀតណាមនៅកម្ពុជា កាលពីថ្ងៃទី១៧ ធ្នូ ២០០៧
តំណាងអង្គការ-សមាគមខ្មែរកម្ពុជាក្រោមចំនួន៩ គ្រោងនឹងចេញសេចក្ដីថ្លែងការណ៍មួយ នៅថ្ងៃច័ន្ទទី១៥ វិច្ឆិកា ដើម្បីទាមទារឲ្យរដ្ឋាភិបាលវៀតណាមផ្ដល់សិទ្ធិសេរីភាពជួនប្រជាពលរដ្ឋខ្មែរកម្ពុជាក្រោម ដែលកំពុងរស់នៅក្នុងទឹកដីអតីតកម្ពុជាក្រោម ដូចប្រជាពលរដ្ឋវៀតណាមដែលកំពុងរស់នៅក្នុងប្រទេសកម្ពុជាបច្ចុប្បន្ននេះដែរ។
ការគ្រោងចេញសេចក្ដីថ្លែងការណ៍នេះ នៅខណៈដែលនាយករដ្ឋមន្ត្រីវៀតណាមលោក ង្វៀន តិនយុង នឹងមកប្រជុំលើកទី៥ កម្ពុជា ឡាវ មីយ៉ាន់ម៉ា វៀតណាម នៅរាជធានីភ្នំពេញ នាថ្ងៃទី១៦ ដល់ថ្ងៃទី១៧ វិច្ឆិកា។
ប្រធានមជ្ឈមណ្ឌលវប្បធម៌ខ្មែរកម្ពុជាក្រោមលោក យន្ត ថារូ បានឲ្យដឹងនៅថ្ងៃទី១៤ វិច្ឆិកាថា ប្រជាពលរដ្ឋវៀតណាមរស់នៅក្នុងប្រទេសកម្ពុជាបច្ចុប្បន្ន ទាំងស្របច្បាប់ និងមិនស្របច្បាប់ រដ្ឋាភិបាលខ្មែរបានផ្ដល់សិទ្ធិពេញលេញជួនពួកគេ ផ្ទុយទៅវិញ ពលរដ្ឋកម្ពុជាក្រោម ដែលកំពុងរស់នៅលើទឹកដីអតីតកម្ពុជាក្រោម ដែលគ្រប់គ្រងដោយរដ្ឋាភិបាលយួននោះ ត្រូវបានគេរឹតបន្តឹងសិទ្ធិសេរីភាព និងធ្វើបាបទៅវិញ។
ប្រធានសាខាសហព័ន្ធខ្មែរកម្ពុជាក្រោមពិភពលោកប្រចាំនៅកម្ពុជា លោក តាំង សារៈ បានលើកឡើងថា លោកមិនបានចេញសេចក្ដីថ្លែងការណ៍ ឬធ្វើញត្តិដាក់ជួនលោកនាយករដ្ឋមន្ត្រីវៀតណាមទេ ដោយលោកចាត់ទុកលោក ង្វៀន តិនយុង ជាមនុស្សគរ ព្រោះថាកន្លងមក លោកធ្លាប់បានដាក់លិខិតសុំឲ្យរដ្ឋាភិបាលវៀតណាមសុំបញ្ឈប់ការគាបសង្កត់ និងរំលោភបំពានមកលើពលរដ្ឋខ្មែរកម្ពុជាក្រោម ប៉ុន្តែគេមិនដោះស្រាយជួននោះទេ។
វិទ្យុអាស៊ីសេរីមិនអាចសុំការបំភ្លឺពីមន្ត្រីស្ថានទួតវៀតណាមប្រចាំនៅកម្ពុជា ដើម្បីសុំការបំភ្លឺពីករណីខាងលើនេះបានទេ នៅថ្ងៃអាទិត្យ ទី១៤ វិច្ឆិកានេះ។
កាលពីថ្ងៃទី១៣ វិច្ឆិកា គណបក្សសមរង្ស៊ីក៏បានចេញសេចក្ដីថ្លែងការណ៍ចំហមួយផងដែរ ដោយខ្លឹមសារក្នុងលិខិតនោះ បានសុំឲ្យនាយករដ្ឋមន្ត្រីវៀតណាម ប្រើប្រាស់កិច្ចប្រជុំកម្ពុជា វៀតណាម ឡាវ និងមីយ៉ាន់ម៉ានេះ ធ្វើយ៉ាងណាបង្ហាញពីជំហររបស់ប្រទេសវៀតណាម ក្នុងការគោរពបូរណភាពទឹកដី អធិបតេយ្យភាព និងឯករាជ្យនៃប្រទេសកម្ពុជា ឲ្យស្របទៅតាមគោលការណ៍ ដែលមានចែងនៅក្នុងកិច្ចព្រមព្រៀងសន្តិភាពទីក្រុងប៉ារីស ២៣ តុលា ឆ្នាំ១៩៩១។
មន្ត្រីនាំពាក្យស្ដីទីនៃគណបក្សសមរង្ស៊ី លោក គីម សួភីរិទ្ធ បានមានប្រសាសន៍ថា នៅក្នុងសេចក្ដីថ្លែងការណ៍នោះ បានទាមទារឲ្យរដ្ឋាភិបាលវៀតណាម និងកម្ពុជា ពិនិត្យឡើងវិញនូវការបោះតម្រុយព្រំដែននៃប្រទេសទាំងពីរឲ្យគោរពគ្នាទៅវិញទៅមក ព្រោះថាការបោះបង្គោលតម្រុយព្រំដែនកន្លងមក បានបាត់ដីស្រែប្រជាពលរដ្ឋ ដូចជាព្រំដែនវៀតណាម-កម្ពុជា នៅខែត្រកំពង់ចាម ខែត្រតាកែវ និងខែត្រស្វាយរៀងជាដើម។
ប្រធានគណៈកម្មាធិការព្រំដែនកម្ពុជា លោក វ៉ា គឹមហុង បានបដិសេធកាលពីថ្ងៃទី១៣ វិច្ឆិកាថា ការបោះបង្គោលតម្រុយព្រំដែនកម្ពុជា-វៀតណាម ពុំបានបាត់ដីប្រជាពលរដ្ឋខ្មែរទេ។ លោក វ៉ា គឹមហុង បានបញ្ជាក់ថា លោកនឹងចាត់វិធានការតាមផ្លូវច្បាប់ ចំពោះរាល់សកម្មភាពណាមួយដែលធ្វើឲ្យរាំងស្ទះដល់ការពន្លឿនការបោះតម្រុយបង្គោលព្រំដែនរវាងប្រទេសកម្ពុជា និងវៀតណាមនេះ។
ទោះជាយ៉ាងណាលោក គីម សួភីរិទ្ធ បានលើកឡើងថា គណបក្សប្រឆាំងមិនទុកចិត្តទៅលើគណៈកម្មាធិការព្រំដែនកម្ពុជាទេ ព្រោះការបោះបង្គោលតម្រុយព្រំដែននេះ ហាក់បីដូចជាមានរឿងអាថ៌កំបាំងអ្វីមួយ ដោយលោកបញ្ជាក់ថា បើសិនគណៈគណៈកម្មាធិការនេះមានតម្លាភាព គេគួរតែបើកឲ្យសង្គមស៊ីវិល និងតំណាងរាស្ត្រចូលរួមត្រួតពិនិត្យក្នុងការបោះតម្រុយព្រំដែននោះ ព្រោះថាជាទឹកដីខ្មែរទាំអស់គ្នា៕
សប្បុរសជនបរទេសជួយបង់ថ្លៃសាលាឲ្យនិស្សិតស្ត្រី១ក្រុម
2010-10-28
និស្សិតស្រីក្រីក្រប្រមាណជាង ២០នាក់ មកពីបណ្ដាខេត្តក្រុងនានាមួយចំនួន ដែលទទួលបានការឧបត្ថម្ភឲ្យសិក្សាថ្នាក់មហាវិទ្យាល័យច្បាប់ ក្នុងទីក្រុងភ្នំពេញពីសប្បុរសជននានា នៅឯក្រៅប្រទេស បានសំដែងក្តីសប្បាយរីករាយថា ពួកគេនឹងមិនបាត់បង់ឱកាសរៀនសូត្រនោះទេ ហើយគេសង្ឃឹមថានឹងមានការងារល្អទៅថ្ងៃមុខ។
លោកស្រី Margaret Ryan សញ្ជាតិអាមេរិកាំង ជាសប្បុរសជនជួយនិស្សិតស្រីខ្មែរ
អ្នកស្រី ខែ សុណង រាយការណ៍ ៖
Copyright © 1998-2010 Radio Free Asia. All rights reserved.
សិស្សនៅជនបទ ក្រោយពេលប្រឡងបាក់ឌុប គ្មានឱកាសបន្តការសិក្សា
2010-11-15
វិស័យសិក្សាអប់រំនៅកម្ពុជាសព្វថ្ងៃ បើទោះបីជាកន្លងមករាជរដ្ឋាភិបាល និងអង្គការជាដៃគូរអភិវឌ្ឍន៍ផ្នែកនេះបានធ្វើការផ្ដល់អាហារូបករណ៍ដើម្បីផ្ដល់ឱកាសឲ្យសិស្សានុសិស្សបានបន្តការរៀនសូត្រក៏ដោយ ប៉ុន្តែមកដល់ពេលនេះគេឃើញយុវជនយុវតីខ្មែរមួយចំនួននៅតាមជនបទ ស្រុកស្រែចម្ការ ដែលក្រីក្រដូចជានោះឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាលជាដើម បានត្អូញត្អែរថា មិនអាចបន្តការសិក្សាបានទេ បន្ទាប់ពីគេបានប្រឡងជាប់ថ្នាក់មធ្យមសិក្សាទុតិយភូមិ ឬបាក់ឌុប ឬមួយក៏ធ្លាក់បាក់ឌុប។
សិស្សក្រីក្រនៅក្នុងថ្នាក់រៀននៃសាលាបឋមសិក្សាភ្នំដិល នៅឃុំភ្នំដិល ស្រុកបាធាយ ខេត្តកំពង់ចាម ។
អ្នកស្រី កែវពេជ្រ មេត្តា មានសេចក្ដីរាយការណ៍ជុំវិញបញ្ហានេះ ៖
និស្សិតពេទ្យ១រូបទទួលអាហារូបករណ៍ពីមូលនិធិអនាគតខ្មែរ
ដោយ សេក បណ្ឌិត
2010-10-24
លោក សេក បណ្ឌិត មានសេចក្ដីរាយការណ៍មួយស្ដីពីគោលបំណងយុវតីម្នាក់ ដែលទើបទទួលបានអាហារូបករណ៍រៀននៅសាលាពេទ្យក្នុងស្រុក និងមានគោលបំណងចង់ក្លាយជាគ្រូពេទ្យម្នាក់ដ៏មានគុណធម៌ ជួយព្យាបាលដល់ពលរដ្ឋក្រីក្រ។
យុវតី ឃឹម ណាំហ្គិច (ស្ដាំ) ទទួលអាហារូបករណ៍ពីមូលនិធិអនាគតខ្មែរ កាលពីថ្ងៃទី២២ តុលា ២០១០ នៅសណ្ឋាគារភ្នំពេញ ក្រុងភ្នំពេញ
នៅក្នុងប្រទេសកម្ពុជា គេសង្កេតឃើញថា សេវាថែទាំសុខភាពនៅមានកម្រិតនៅឡើយ ទាំងនៅទីក្រុង និងជនបទ មិនត្រឹមតែប៉ុណ្ណោះ មានការចោទប្រកាន់ស្ទើរគ្រប់មជ្ឈដ្ឋានជាបន្តបន្ទាប់ថា មិនត្រឹមតែថាក្រុមគ្រូពេទ្យវាយឫក ក្រអឺតក្រទម ខ្វះសីលធម៌ទៅលើអ្នកជំងឺ ថែមទាំងអ្នកជំងឺភាគច្រើនមិនមានទំនុកចិត្តលើក្រុមគ្រូពេទ្យខ្មែរទៀតផង។
ទន្ទឹមពេលនេះដែរ យុវជនខ្មែរ មានការសិក្សាលើវិជ្ជាពេទ្យក៏នៅមានចំនួនតិចដែរបើប្រៀបធៀបទៅនឹងមុខវិជ្ជាផ្សេងៗ ដោយសារគេយល់ឃើញថា ការសិក្សាលើវិជ្ជាពេទ្យ ត្រូវចំណាយប្រាក់ច្រើន ដែលធ្វើឲ្យកូនចៅក្នុងគ្រួសារក្រីក្រ មិនអាចតស៊ូរៀនក្នុងវិជ្ជានេះបាន។
ដោយមើលឃើញនូវបរិបទខាងលើនេះ ទើបមូលនិធិអនាគតខ្មែរ និងក្រុមហ៊ុនមេឌីខ្មែរ (MEDIKHMER) បានព្យាយាមប្រមែប្រមូលថវិកាផ្ដល់អាហារូបករណ៍ជូនដល់និស្សិតក្រីក្រ ដោយធ្វើការជ្រើសរើសនិស្សិតណាដែលមានឆន្ទៈមោះមុត ក្នុងការសិក្សាវិជ្ជាពេទ្យនេះ ដោយមានគោលបំណងជំរុញឲ្យទៅដល់អនាគត ក្លាយជាគ្រូពេទ្យម្នាក់ ដែលមានការយកចិត្តទុកដាក់ខ្ពស់លើអ្នកជំងឺនៅតាមជនបទ។
លោក មួង សុទ្ធី ប្រធានមូលនិធិអនាគតខ្មែរ និងជានាយកក្រុមហ៊ុនមេឌីខ្មែរ (MEDIKHMER) បានមានប្រសាសន៍ឲ្យដឹងថា កាលពីពេលថ្មីនេះ មូលនិធិអនាគតខ្មែរបានធ្វើការជ្រើសរើសនិស្សិតមួយរូបជាជ័យលាភី ទទួលបានអាហារូបករណ៍សិក្សានៅមហាវិទ្យាល័យឱសថសាស្ត្រ និងពាណិជ្ជសាស្ត្រ ក្នុងចំណោមនិស្សិតជាច្រើនរយនាក់។
លោកបានឲ្យដឹងទៀតថា ក្នុងចំណោមនិស្សិតជាច្រើនដែលមានគណៈកម្មការត្រួតពិនិត្យវាយតម្លៃ ចំពោះការសិក្សាអស់រយៈពេលច្រើនខែមក គណៈកម្មការបានសម្រេចផ្ដល់អាហារូបករណ៍ជូនឲ្យទៅលើយុវតីម្នាក់ ឈ្មោះ ឃឹម ណាំហ្គិច អាយុ១៩ឆ្នាំ មានស្រុកកំណើតនៅខេត្តកំពង់ចាម ៖ «គឺយើងផ្ដល់ជាមូលនិធិចំនួនជាទឹកប្រាក់ ៦ពាន់ដុល្លារក្នុងមួយឆ្នាំ ហើយនិងកុំព្យូទ័រ រហូតដល់គាត់ចប់ការសិក្សារបស់គាត់។ អាហារូបករណ៍នេះគឺផ្ដល់ជូនដោយមូលនិធិអនាគតខ្មែរ ហៅថា ខ្មែរណិក (Khmer Next) ដែលមានការឧបត្ថម្ភផ្នែកហិរញ្ញវត្ថុពីក្រុមហ៊ុនហ្វាណិក (Pharnext) ដែលជាក្រុមហ៊ុនផលិតឱសថខ្នាតអន្តរជាតិមួយ ដែលមានទីតាំងនៅប្រទេសបារាំង ប្រទេសអាមេរិក និងប្រទេសចិន និងនៅប្រទេសប្រេស៊ីល»។
នៅក្នុងពិធីប្រកាសផ្ដល់អាហារូបករណ៍នៅសណ្ឋាគារភ្នំពេញ កាលពីរសៀលថ្ងៃសុក្រ ទី២២ ខែតុលា យុវតី ឃឹម ណាំហ្គិច បានសម្ដែងក្ដីរំភើបរីករាយ ប្រកបដោយស្នាមញញឹម និងក្ដីសង្ឃឹមទុកជាមុនថា ក្តីបំណងរបស់គេពីពេលនេះតទៅ គឺពិតជាបានជោគជ័យហើយ។
យុវតី ឃឹម ណាំហ្គិច បានឲ្យដឹងថា គ្រួសារនាងស្ថិតក្នុងជីវភាពមធ្យម។ ម្ដាយជាមេផ្ទះ ឪពុកជាគិលានុបដ្ឋាយិកា ឬគ្រូពេទ្យថែទាំអ្នកជំងឺ នៅមន្ទីរពេទ្យបង្អែកអ្នកលឿង ខេត្តព្រៃវែង ប៉ុន្តែសម្រាប់ការរៀនសូត្រវិជ្ជាពេទ្យ គ្រួសារនាងពិតជាមានការខ្វះខាតខ្លាំងណាស់ ៖ «ដូចបានដឹងស្រាប់ហើយថា ការរៀនពេទ្យគឺមិនមែនចំណាយលុយតិចតួចទេ។ ប៉ាខ្ញុំគាត់ត្រឹមតែជាគិលានុបដ្ឋាយិកា មិនមែនជាវេជ្ជបណ្ឌិត ដែលមានប្រាក់ខែច្រើននោះទេ»។
តែទោះយ៉ាងណាក្ដី ក្រោយបញ្ចប់ការសិក្សានៅមធ្យមសិក្សាទុតិយភូមិ (បាក់ឌុប) នាងមានគោលដៅរួចជាស្រេច គឺអនាគតចង់ក្លាយជាវេជ្ជបណ្ឌិត ឬគ្រូពេទ្យដ៏មានគុណធម៌មួយរូប ៖ «បានជានាងខ្ញុំចង់រៀនមុខវិជ្ជាពេទ្យនេះ ពីព្រោះនាងខ្ញុំស្រលាញ់ខ្លួនឯងផង និងចង់បន្តឧត្ដមគតិប៉ារបស់នាងខ្ញុំផង ពីព្រោះប៉ាខ្ញុំគាត់ឆ្លងកាត់របប ប៉ុល ពត អ៊ីចឹងគ្រួសារគាត់ខ្សត់ខ្សោយ អត់មានលទ្ធភាពរៀនដល់វេជ្ជបណ្ឌិតបានទេ គឺគាត់រៀនត្រឹមតែគិលានុបដ្ឋាយិកា ហើយត្រឹមតែបឋមថែមទៀត ដូច្នេះគាត់ធ្វើការមានការលំបាកណាស់ក្នុងវិស័យសុខាភិបាល អ៊ីចឹងខ្ញុំចង់ពង្រឹងខ្លួនឯងឲ្យក្លាយទៅជាវេជ្ជបណ្ឌិតតាមគោលបំណងរបស់ប៉ាខ្ញុំ»។
មុននឹងទទួលបានអាហារូបករណ៍នេះ យុវតី ឃឹម ណាំហ្គិច ត្រូវបានគ្រួសារបានខិតខំសន្សំប្រាក់ឲ្យនាងបានរៀននៅសាកលវិទ្យាល័យវិទ្យាសាស្ត្រសុខាភិបាល ឆ្នាំទី២ ផ្នែកវេជ្ជសាស្ត្រ ឬជំនាញព្យាបាលជំងឺ ដោយត្រូវចំណាយលុយមួយឆ្នាំអស់ជាង ១០០០ដុល្លារអាមេរិក។
យុវតីរូបនេះបានឲ្យដឹងពីអ្វីដែលនាងបានមានលទ្ធភាពជាប់អាហារូបករណ៍នេះថា ការឧបត្ថម្ភពីឪពុកម្ដាយ កាន់តែមានការខ្សត់ខ្សោយ តែនាងនៅតែមានចិត្តចង់បន្តការសិក្សា ដូច្នេះនាងបានព្យាយាមពុះពារ ហើយស្វែងរកមូលនិធិជួយឧបត្ថម្ភ ហើយទីបំផុតនាងស្គាល់មូលនិធិមួយ ឈ្មោះថាមូលនិធិអនាគតខ្មែរ ឬខ្មែរណិក តាមរយៈមិត្តភ័ក្ដិ ដោយដាក់ពាក្យស្នើសុំអាហារូបករណ៍ទៅក្រុមហ៊ុន សរសេរអត្ថបទមួយជាភាសាអង់គ្លេស បង្ហាញពីគោលបំណង ចាប់តាំងពីខែមីនា ឆ្នាំ២០១០ មក។
លោក ឃឹម សុភា ជាគិលានុបដ្ឋាយិកា ឬគ្រូពេទ្យថែទាំអ្នកជំងឺ នៅមន្ទីរពេទ្យបង្អែកអ្នកលឿង ខេត្តព្រៃវែង ត្រូវជាឪពុកយុវតី ឃឹម ណាំហ្គិច បានសម្ដែងឲ្យដឹងពីទឹកចិត្តកូនក្នុងការរៀនសូត្រថា ណាំហ្គិច ជាក្មេងសុភាពរាបសា តស៊ូក្នុងការសិក្សា មិនដែលធ្វើឲ្យឪពុកម្ដាយលំបាកប្រដៅណែនាំច្រើនឡើយ ៖ «កូនខ្ញុំមានទឹកចិត្តមួយថា ត្រឹមតែពេទ្យថែទាំអ្នកជំងឺតូចណាស់ អ៊ីចឹងខ្ញុំខំយ៉ាងម៉េចឲ្យលើសប៉ា ឲ្យបានជាវេជ្ជបណ្ឌិតមួយយ៉ាងចំណាន។ អ៊ីចឹងខ្ញុំជាឪពុក ដោយស្មារតីទឹកចិត្តកូន ខំតស៊ូសន្សំ អ៊ីចឹងខ្ញុំត្រូវឲ្យគាត់ស្វះស្វែងជាមួយមិត្តភ័ក្ដិក្រែងលោមានមូលនិធិសមធម៌ណាសម្រាប់ផ្គត់ផ្គង់ឲ្យបានរៀនតទៀត។ អ៊ីចឹងវាភ័ព្វសំណាងរបស់កូនទេ ជារឿងទំនាក់ទំនងរបស់កូន»។
លោកបន្តថា លោកសប្បាយចិត្តដែលឃើញកូនមានការតាំងចិត្តបានល្អ ក្នុងការដើរតាមគន្លងរបស់ឪពុកចង់បានដូច្នេះ។
លោក មួង សុទ្ធី ប្រធានមូលនិធិអនាគតខ្មែរ និងជានាយកក្រុមហ៊ុនមេឌីខ្មែរ បានឲ្យដឹងពីលក្ខខណ្ឌនៃការជ្រើសរើសនិស្សិត ដើម្បីផ្ដល់អាហារូបករណ៍នេះថា មូលនិធិអនាគតខ្មែរមិនផ្ដោតលើពិន្ទុខ្ពស់ មានចំណាត់ថ្នាក់លេខមួយនោះទេ គឺអាស្រ័យភាពឆ្លាតវៃ និងការខិតខំប្ដូរផ្ដាច់នឹងការសិក្សាជាអាទិភាព ៖ «ទីមួយយើងឃើញគាត់មានភាពខ្វះខាតក្នុងការសិក្សារបស់គាត់ ទី២ ឃើញគាត់មានការតស៊ូណាស់ ហើយជាពិសេស គាត់ជាក្មេងស្រីទៀត ហើយមានការព្យាយាមរៀនសូត្រ អ៊ីចឹងបានជាយើងផ្ដល់អាហារូបករណ៍ហ្នឹងជូនទៅគាត់»។
យុវតី ឃឹម ណាំហ្គិច បានមានការចាប់អារម្ភចំពោះវិស័យសុខាភិបាលនៅកម្ពុជាដែរថា ៖ «នៅតាមជនបទ ប្រជាពលរដ្ឋក្រីក្រតែងតែមិនហ៊ានចូលព្យាបាលនៅមន្ទីរពេទ្យទេ ដោយខ្លាចចំណាយលុយច្រើន អ៊ីចឹងគាត់បង្ខំចិត្តប្រើប្រាស់មធ្យោបាយទិញថ្នាំបន្តិចបន្តួចយកមកហូប អ៊ីចឹងមានការលំបាកណាស់។ នេះជាក៏ជាមូលហេតុដែលនាងខ្ញុំចង់រៀនខាងនេះផងដែរ»។
យុវតី ឃឹម ណាំហ្គិច បានតាំងចិត្តថា នៅក្រោយរៀនចប់ក្លាយជាវេជ្ជបណ្ឌិត គេមានបំណងចង់ជួយប្រជាពលរដ្ឋតាមជនបទក្រីក្រ ដោយផ្ដល់សេវាសុខភាពដល់ពួកគាត់ឲ្យបានល្អ តាមលទ្ធភាពដែលអាចធ្វើទៅបាន៕
Saturday, 4 December 2010
Subscribe to:
Posts (Atom)